A Moy

A Moy, se joint avec tous les temps des verbes, excepté la remarque cy-dessus; & hors de cette remarque c'est le seul datif dont on se sert quand le verbe precede. Il est mesme tellement propre aux verbes neutres passifs, aux verbes actifs employez avec les autres pronoms personnels, au verbe Estre, lors qu'il signifie Appartenir, au verbe Avoir, lors qu'il est joint aux noms substantifs, Affaire, Rapport, Relation, & quelques autres semblables, au verbe Tenir, lors qu'il est mis à l'impersonnel, à quelques verbes neutres, comme Songer, Penser, & enfin aux verbes actifs qui se construisent inseparablement avec un substantif, comme Prendre garde; que dans tous ces verbes là il ne peut jamais estre varié par moy ny me. Cela s'adresse à moy. il s'est confié à moy. il s'est donné à moy. il s'attaque à moy. cela est à moy. vous aurez affaire à moy. il tient à moy. il ne tient qu'à moy d'aller là. songez à moy. pensez-vous à moy? prenez garde à moy.

Il s'employe mesme aprés la seconde personne de l'imperatif des verbes purement actifs, lors que quelque autre datif precede. Faites ce plaisir là à mon frere & à moy. donnez-luy vostre ressentiment & à moy aussi.

A moy, Joint avec un subst. signifie, Qui est à moy, qui m'appartient. C'est un laquais à moy. un habit à moy. une lettre à moy. il a de l'argent à moy, des papiers à moy.

A moy, Se prend aussi dans la signification de vers moy; & alors ce n'est plus un datif. Marchez à moy. venez à moy.